SAWIRRO: Macallin Muraad oo guushii labaad ku hoggaamiyay kooxda Jeenyo Somali National League.
Macalinka dhawaan galka ah ee Kooxda Jeenyo macalin Muraad ayaa kooxdiisa ku hoggaamiyay guushii labaad kaddib markii ay ka adkaadeen kooxda Saxafi kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda cagta Muqdisho Stadium.
Qaybtii koowaad ee kulanka waxaa hoggaan u dhiibay kooxda Jeenyo daafacooda lambarka 5-aad Omar Mwandaru daqiiqadii 15-aad kaddib markii uu madax ku hubsaday shabaqa kooxda Saxafi, dhammaadkii qaybtii koowaad ayay hoggaanka sii dheereysteen kooxda Jeenyo waxaana shabaqa gaaray ciyaaryahanka lambarka 10-aad Ouya Frank Stephan daqiiqadii 41-aad waxaana lagu kala nastay 2-0 oo hoggaanka ku haysay kooxda Jeenyo.
Marka dib la isugu soo laabtay qaybtii labaab oo socoto hal daqiiqo ayay dhalliyeen gool kooxda Saxafi waxaana u saxiixay ciyaaryahanka lambarka 25-aad Cusmaan Colow, dadaalo iyo weeraro labada dhinac ah natiijada ciyaarta ayaa ku soo dhammaatay 2-1 oo ku adkaatay kooxda Jeenyo.
Macallin Muraad oo dhawaan loo magacaabay kooxda Jeenyo ayaa kooxdiisa ku hoggaamiyay guushii labaad saddexda kulan uu macalinka u yahay iyadoo hal kulan uu barbaro galay wax guuldarro ah lama kulmin taas oo wax wayn ka beddeshay qaab ciyaareedka kooxda kubbadda Jeenyo oo hadda soo gashay kaalinta 7-aad eek ala sareynta horyaalka heerka koowaad ee Somali National League.
