SAWIRRO: Kooxda k/cagta Dekedaha oo ku soo laabatay waddadii guulaha Somali Natinal League.
Kooxda kubbadda cagta Dekedaha ayaa ku soo laabtay waddadii guulaha horyaalka kubbadda cagta Somali Natinal League, kaddib markii guul muhiim ah ay ka gaartay kooxda Kgs SC kulamadii 12-aad.
Kooxda kubbadda cagta Dekedaha ayaa 2-0 ku garaacday Kgs SC ciyaar ka dhacday garoonka kubbadda cagta Muqdisho Stadium, guushan ayaa ka dhigeyso iney hoggaanka horyaalka Somali National League, ay ku hayso saddex dhibcood oo nadiif ah.
Dekadaha oo ciyaartay kulankii 13-aad ayaa gaartay guushii 9-aad, waxay barbaro galeen afar kulan, halka aan laga adkaanin, waxayna sidaasi ku leeyihiin 30-dhibcood horyaalka Somali National League, iyagoo hoggaanka ku hayo saddex dhibcood.
Dhanka kale Kooxda Kigs SC oo ciyaartay kulankii 13-aad ayaa soo gaartay guuldarradii 9-aad iyagoo barbaro galay saddex kulan kaliya hal kulan ayay adkaadeen waxayna sidaasi ku leeyihiin lix dhibcood kala sareynta horyaalka Somali Natinal League.
Isbuucii 13-aad ee horyaalka Somali National League, ayaa si xiiso leh uga socdo garoonka kubbadda cagta Muqdisho Stadium.
