Waxaa galabta wada ciyaari doono xulalka kubbadda cagta ee kala ah Poland & Netherland tartanka Euro 2024 kulankooda furintaanka ciyaaraha Guruubka C
Wararka labada Xul
Poland ayaa weyn doonta weeraryahankeeda muhiimka ah ee Robert Lewandowski kulanka ay wajahayaan Netherland, weeraryahanka Barcelona Lewandowski, oo 35 jir ah, ayaa kaga maqan kulanka Group D dhaawac muruqa ah.
Waxaa jiray walaac laga qabo in gooldhaliyaha ugu sarreeya taariikhda Poland uu seegi karo dhammaan ciyaaraha heerka group-yada, laakiin tababare Michal Probierz ayaa aaminsan inuu ku soo laaban doono kulanka Austria 21-ka June.
Dhanka kale xulka Netherland ayaa dhaawac ahaan tartanka looga saaray Frenkie de Jong kaas uu soo gaaray dhaawac (Canqawga)
Netherland ayaa tartankan galaysa iyadoo ka mid ah xulalka ugu cad cad in ay ku guulaysan karaan koobka qaramada yurub markii ugu horraysay tan iyo sanadkii 1988 kii.
Xulka Netherland ma qabaan dhaawacyo kale.
Xaqiiqooyinka ciyaarta
Xulka Poland ayaan wax guul ah gaarin 12-kii kulan ee ugu dambeeyay ay wajahaan Netherlands tartamada oo dhan (5 bar-baro iyo 7 guuldarro), tan iyo markii ay 2-0 ku garaaceen garoonkooda isreeb-reebka Euro sanadkii 1980.
Kulankaan ayaa noqon doona kii ugu horreeyay ee Poland iyo Netherland ku kulmaan tartan weyn Euro 2024, kaliya Germany ayaa 19 kulan garaacday xulal badan oo kala duwan tartanka Yurub marka loo eego Netherlands oo sidaa sameysay 17 mar tartanka yurub.
Netherland ayaa ka qayb qaadanaysa koobkii 11-aad ee qaramada Yurub, waxay ku guuleysteen tartanka markii ugu dambeysay oo lagu qabtay Jarmalka sanadkii 1988, iyagoo ku garaacay USSR final (2-0).
Kaliya Germany ayaa lix jeer gaaray semi-finalka tartanka Yurub in ka badan Netherland oo afar jeer gaartay.
Si kastaba ha ahaatee, Netherland ma aysan gaarin afar dhammaadka tartanka Euro tan iyo sanadkii 2004.
Ogeysiiska ciyaarta
Taariikhda ciyaarta Axad 16 Jun 2024
Garsooraha kulanka waa Artur Dias oo u dhashay (Portugal)
Garoonka lagu ciyaarayo Volksparkstadion
Waqtiga 4:00 Pm galabnimo xilliga Muqdisho
Astaan Sports
