Horudhaca kulamada maaanta: Wadajir & Yaaqshiid halka Kaxda ay wajaheyso X/Jajab tartanka k/cagta degmooyinka.
Aan ku horreeno kulanka u dhexeeyo degmooyinka Wadajir & Yaaqshiid ee ku wada jiro Guruubka C.
>-Degmooyinka Wadajir iyo Yaaqshiid oo ku wada jiro Guruubka C ayaa galabta wada ciyaari doono kulankan ayaa ka mid ah kulamada ugu adag tartanka degmooyinka maadaama aan laga adkaanin labadan degmo kulamadii ay soo ciyaareen tartanka degmooyinka 2024
>-Degmada Wadajir ayaa ka soo adkaatay degmooyinka Kaxda iyo X/Jajab waxayna hadda leeyihiin lix dhibcood iyagoo hoggaanka u hayo Guruubka C
>-Degmada Wadajir ayaa ku hartay heerka guruubyada tartankii degmooyinka ee 2023 halka sanadkii 2021ka ay ku hareen wareega sideed dhammaadka tartanka degmooyinka.
>-Macalinka Degmada Wadajir macalin Cabaas oo ah ciyaaryahan ka tirsan kooxda ka ciyaarta horyaalka heerka koowaad ee dalkeenna oo markii ugu horreysay ka soo muuqday isagoo macalin ah tartanka degmooyinka sanadkan ayaa guul ku hoggaamiyay labadii kulan ee ugu horreysay degmada Wadajir
>-Degmada Yaaqshiid oo labadii tartan ee ugu dambeysay soo gaartay wareegga afar dhammaadka tartanka kubbadda cagta degmooyinka ayaa raadineyso guushii ugu horreysay tartanka degmooyinka sanadkan 2024.
>-Degmada Yaaqshiid ayaa galabta ciyaari doonto kulankooda saddexaad tartanka degmooyinka iyagoo labadii kulan ay horey u soo ciyaareen ay soo galeen barbaro, waxayna leeyihiin 2-dhibcood
>-Macalinka degmada Yaaqshiid Macalin Cabdicasiis ayaan laga adkaanin afartii tartan ee ugu dambeysay tartanka degmooyinka labo jeer uu soo maamulay Dharkenley iyo hal jeer oo Cabdicasiis ah iyo degmada Yaaqshiid uu galabta hoggaamin doono kulankiisa labaad
Dhanka kale degmooyinka Kaxda iyo X/Jajab oo ku wada jiro guruubka C ayaa wada ciyaari doono
>-Degmooyinka Kaxda iyo X/Jajab ayaa markii labaad ku kulmayo ciyaaraha tartanka degmooyinka waxay ahayd markii ay ku kulmeyn heerkan oo kale 01/December/ 2021, waxaana 2-0 ku adkaatay degmada X/Jajajb
>-Degmada Kaxda ayaa noqotay degmadii ugu horreysay oo isaga hartay tartanka kubbadda cagta degmooyinka sanadkan iyagoo guuldarooyin kala kulmay degmooyinka Wadajir, Deyniile halka ay Yaaqshiid barbaro la galeen.
>-Degmada Kaxda ayaa shantii tartan ee ugu dambeysay tartanka kubbadda cagta degmooyinka ku hareesay heerka guruubyada tan iyo 2018-kii marna uma soo gudbin wareegga sideed dhammaadka tartanka degmooyinka.
>-Degmada X/Jajab ayaa guuldarro kala kulantay Wadajir halka ay barbaro goolal la’aan ah ay la galeen degmada Deyniile waxay maanta ciyaarayaan kulankooda saddexaad iyagoo raadinayo guushoodii ugu horreysay tartanka degmooyinka sanadkan 2024.
>-Degmada X/Jajab ayaa shantii tartan ee ugu dambeysay tartanka degmooyinka waxay sanadihii 2023 iyo 2021kii ku hartay wareegga sideed dhammaadka halka 2020 iyo 2019kii ay ku hareen wareegga afar dhammaadka tartanka kubbadda cagta degmooyinka
>-Shantii tartan ee ugu dambeysay tartanka kubbadda cagta degmooyinka marna kuma harin X/Jajab heerka guuruubka ciyaaraha degmooyinka inkastoo sanadkan ay ku furteen qaab aan wanaagsaneen.
