Paulo Dybala: ‘waxaa doonayaa in aan wada ciyaarno mar kale Paul Pogba
Weeraryahanka Juventus Paulo Dybala ayaa shaaca ka qaaday inuu ku rajo weyn ka leeyahay inuu mar kale la ciyaaro xiddiga qadka dhexe ee Manchester United Paul Pogba.
Dybala ayaa Juventus kaga soo biiray Palermo sannadkii 2015, waxaana uu ka garab ciyaari jirey Pogba Turin hal xilli ciyaareed ka hor inta uusan xiddiga reer France dib ugu soo laaban United xagaagii 2016.
Pogba ayaa si aad ah loola xiriirinayay inuu ku laabanayo Juventus bilihii u danbeysay, Dybala ayaa sheegay inuu doonayo inuu mar kale la shaqeeyo laacibka ku guuleystay Koobka Adduunka.
“Waxaan mar walba jecelahay inaan la ciyaaro qof ka mid ah heerkiisa, wax kasta oo uu go’aan ka gaarayo, mar walba waxaan u rajeynayaa nasiibka ugu fiican” ayuu Dybala u sheegay La Joya.
Pogba ayaa heshiis cusub u saxiixay kooxda United tan iyo markii Ole Gunnar Solskjaer uu qabtay kooxda horyaalnimada 20ka jeer ku guuleesatay ,wuxu badiyay lixdii kulan ee ugu dambeysay tan iyo markii Jose Mourinho shaqada la eriyay.
Si kastaba ha ahaatee, 25 jirkaan ayaa afar horyaal oo Serie A ah kula guuleystay Juventus intii u dhaxeysay 2012 iyo 2016, waxaana uu dhawaan sheegay in Turin ay tahay gurigiisa.
Mustaqbalka Dybala yaa sidoo kale ah mowduucyo ugu weyn maalmihii la soo dhaafay, Manchester City, Real Madrid, Bayern Munich iyo Paris Saint-Germain ayaa lagu soo waramayaa inay isha ku hayaan inay la soo wareegaan weeraryahanka.
