Liverpool Oo Ku Dhawaaqday Inay Xiiseyneyso Saxiixa Munas Dabbur.
Red Bull Salzburg weeraryahankeeda Munas Dabbur ayaa lagu soo waramayaa inuu diiday fursad uu ku biiri lahaa kooxda Valencia isagoo doonaya inuu dhameystiro heshiiska uu ugu biirayo Liverpool.
Xiddiga heerka caalami ee dalka Israel, ayaa la rumeysan yahay in lagu qiimeeyo 22 milyan oo ginni, dhawaan ayaa si maldahan u sheegay inuu doonayo inuu ku biiro Reds.
Heshiiskaan wali kama ayna hadlin Salzburg iyo Liverpool, si kastaba ha ahaatee, The Star ayaa soo jeedineysa in Valencia ay isku dayday inay soo iibsato iyagoo doonaya inay helaan weeraryahan cusub.
Si kastaba ha ahaatee, warbixinta ayaa muujineysa in kooxda hogaanka heysa ee Premier League ay tahay kooxda kaliya ee heli karta laacibkaan.
Dabbur ayaa dhaliyay 27 gool xilli ciyaareedkii hore wuxuu kooxdiisa Salzburg ka caawiyay horyaalka Australiya, waxaana uu dhaliyay 55 gool 110 kulan oo uu u saftay tan iyo markii uu kaga soo biiray Grasshopper sannadkii 2016.
