David de Gea oo doonaya inuu sii joogo Manchester United
Goolhayaha Manchester United David de Gea ayaa lagu soo waramayaa inuu doonayo inuu sii joogo kooxda, lakiin kaliya waa hadii ay isbedel ku sameeyaan mushaharkiisa.
De Gea mustaqbalkiisa ayaa ah mid aan la hubin mudo haatan laga joogo bilooyin, iyadoo qandaraaskiisa haatan uu dhacayo sannadka soo socda ka dib markii United ay soo bandhigtay qandaraaska 12 bilood oo dheeraad ah bisha November.
Xiddiga reer Spain ayaa si joogta ah loola xiriirinayay inuu ka tagayo kooxda sannadkii ugu dambeeyay, halka United ay ku dhibtooneysay tababarihii hore ee Jose Mourinho ayaa la fahamsan yahay inay ku riixday inuu albaabka ka baxo sababo rabitaan ah inuu koobab ku guuleysto.
Si kastaba, De Gea ayaa haatan go’aansaday inuu doonayo inuu mustaqbalka dheer u hibeeyo kooxda asiga oo dalbanaya mushaar £ 300,000 todobaadkii.
28 jirkaan ayaa haatan heysta 200 kun ginni isbuucii, laakiin wuxuu aaminsan yahay inuu yahay mid ka mid ah goolhayayaasha ugu fiican adduunka, waa inay ii soo bandhigaan mushahar weyn hadii uu doonayo inuu sii joogo Old Trafford.
De Gea ayaa soo bandhigay mid ka mid ah qaab ciyaareedkiisii ugu fiicnaa ee United kulankii Axadii ay 1-0 kaga badisay Tottenham Hotspur, isagoo 11 badbaadin sameeyay qeybtii labaad kulan Red Devils seddexda dhibcood ku soo qaadatay Wembley.
