Juventus oo isku diyaarineyso inay 175 milyan ginni ku dalbato weeraryahanka Liverpool Mohamed Salah.
Salah ayaa soo bandhigay qaab ciyaareed cajiib ah leh tan iyo markii uu Liverpool kaga soo biiray Roma xagaagii 2017, isagoo shabaqa soo taabtay 64 jeer 86 kulan oo uu u saftay kooxda Merseyside.
26 jirkaan ayaa qibrad u leh kubada cagta Talyaaniga isaga u soo ciyaaray Fiorentina iyo Roma, isagoo ku riyaaqaya inuu guulo ku dhameysto ka hor inta uusan u dhaqaaqin England.
Sida laga soo xigtay Sky News Arabia, Cristiano Ronaldo ayaa doonaya Juve inay Salah uu kooxda yimaad, kooxda heysata horyaalka Talyaaniga ayaana isku diyaarineysa inay dalab u dirto Liverpool oo gaaraya £ 175m ah.
Ronaldo wuxuu ahaa mid aad u fiican tan iyo markii uu yimid Turin xagaagaan , laakiin mustaqbalka weeraryahanada kale ee Douglas Costa iyo Paulo Dybala ayaa u muuqda mid kooxda ay kaga dhaqaaqayaan,waxaana hada la baahiyay in ay juve ay suuqa u gashay weeraryahan cuusb.
Salah ayaa 20 gool u dhaliyay 34 kulan oo uu u saftay Liverpool xilli ciyaareedkan.
