Warbixin: Manchester United Oo Ku dhow saxiixa Ivan Rakitic
Manchester United ayaa ka mid ah kooxaha doonaya ciyaaryahanka khadka dhexe ee Barcelona Ivan Rakitic, sida lagu sheegay warbixin cusub oo soo baxday.
30 jirkaan mustaqbalkiisa Camp Nou ayaa la rumeysan yahay inuu shaki ku jiro, iyadoo Frenkie de Jong uu ka imaanayo Ajax xagaaga soo aadan, halka Naadiga Atletico Madrid xiddigooda Saul Niguez uu yahay bartilmaameed kale.
La Gazzetta dello Sport ayaa soo jeedineysa in Barcelona laga yaabo inay isku daydo inay lacag kaash ka hesho Rakitic si ay lacagta ay ka hesho ay ku dabarto saxiixa kale.
Qaar ka mid ah naadiyada kale ayaa sidoo kale isku diyaarinaya dalabyo ay ka gudbiyaan laacibka kooxda Barcelona, inkastoo Man United ay tahay kooxda si joogta ah ula socoto xaaladda laacibka kooxda Croatia.
Rakitic ayaa mushahar ahaan u qaadanaya 4.7 milyan ginni waqtigiisa Catalonia ah, waxaana uu dhawaan sheegay in uu jeclaan lahaa inuu arko seddexda sano ee ka hartay qandaraaskiisa kooxdiisa Barcelona.
Si kastaba ha ahaatee, Barca ayaa lagu soo waramayaa inay u furan tahay inay lacag dhan £ 39milyan oo ay ku iibineyso xiddigii hore ee Sevilla.
