DAAWO: Xulka kubada cagta Soomaaliya oo guul daro kala kulmay dhigiisa Djibouti
Xulka kubada cagta Somaliya oo guuldaro xanuun badan kala kulmay dhigiisa Jabuti,ka dib markii caawa ay wada ciyaareen kulan saaxibtanimo.
Xulka Somaliya oo shalay gaaray dalka Jabuti ayaa isla caawa ciyaaray kulan saaxibtanimo,ayadoo tani ay isku diyaarinayaan Chan cup oo ku wajahayaan xulka Uganda.
kulankaan oo ahaa mid aad u adaga ayaa qaybtii hore ku soo dhamaaday 0-0 oo ay labada xul isla dhaafi waayen,ayagoo soo bandhigay ciyaar aad u adag.
Markii dib la iskugu soo laabtay labada xul ayaa halkaasi ka sii waday dadaalkoodi ku aadanaa raadinta goolka kowaad.
xulka kubada cagta Jabuti ayaa helay goolka kulankaan ay ku badiyeen bartamihii qaybtii labaad ee ciyaarta,waxaana goolkaa u dhaliyay laacibka lambarka 9-aad ee lagu magacaabo Mahdi Xuseen Mahabe.
Ugu dambeentii ciyaarta ayaa ku soo dhamaatay 1-0 uu ku badiyay xulka Jabuti,waxa ay tani ka dhigantahay in Tababare Bashiir Hayrofrd uu la kulamay guuldaradii ugu horeesay,asiga oo hogaaminaayo xulka Somaliya.
