Manchester United oo lasoo saxiixatay ciyaaryahanka qadka dhexe ee kooxda Sporting Lisbon
Bruno Fernandes ayaa sheegay inuu wax walba u siin doono si uu “ugu guuleystoo koobab” Manchester United ka dib markii uu kaga soo biiray kooxda Sporting Lisbon heshiis shan sano iyo bar ah.
Xiddiga qadka dhexe, oo 25 jir ah, ayaa ku soo biiray 55 milyan oo euros (£ 47m) laakiin waxqabadkiisa guud ahaan qarash gaareenta waa 80m euros (£ 67.7m).
“Aniga ahaan haatan inaan u ciyaaro Manchester United waxaan dareemayaa wax cajiib ah” ayuu yiri xiddiga reer Portugal Fernandes.
Maamulaha kooxda Ole Gunnar Solskjaer ayaa sheegay in ciyaaryahanka qadka dhexe uu ahaa “mid cajiib ah”.
U dhaqaaqista Fernandes ayaa ah tii ugu weyneyd ee Premier League ilaa iyo intii lagu jiray suuqa kala iibsiga Janaayo – iyadoo waqtiga kama dambeysta ah ay tahay 23:00 GMT Jimcaha. Waxa uu raacaa Cristiano Ronaldo, Nani iyo Marcos Rojo markii uu kaga soo biiray Manchester United kana soo tegey Sporting.
Qandaraaskiisa, oo socon doona ilaa 2025, ayaa sidoo kale leh ikhtiyaar ah inuu kordhiyo sannad kale.
“Jacaylka aan u qabo Manchester United runtii wuxuu bilaabmay markii aan daawanayay Cristiano Ronaldo oo ciyaarayay, ilaa iyo markaas waxaan taageere weyn u ahaa kooxdan weyn,” ayuu raaciyay Fernandes.
Waxaan si aad ah ugu shaqeeyay si aan xilligan ula joogo waxaan taageerayaasha ugu ballan qaadi karaa inaan wax walba siin doono astaanta si ay nooga caawiyaan inay na keenaan guulo iyo koobab badan.
Waxaan doonayaa inaan uga mahadceliyo Sporting waxkasta oo ay igu sameeyeen. Waa isku dhiibid inaan maqlo ereyada fiican ee laga sheegay ciyaartoydii iga soo ciyaaray kooxdan.
” Waxqabadka Bruno?
Fernandes ayaa £ 7.2m kaga soo biiray kooxda Sporting aduun dhan £ 7.2m oo uu kaga yimid kooxda Sampdoria sanadkii 2017 waxaana tababarihii hore ee kooxda Carlos Carvalhal u sheegay BBC World Service United in ay la soo saxiixatay ciyaaryahan “heer kale”.
Xiddiga qadka dhexe ayaa dhaliyay 64 gool 137 kulan oo uu u saftay tartamada oo dhan oo Sporting ah wuxuuna kula guuleystay Koobkii Portugal xilli ciyaareedkii 2018-19.
Waxaa loo magacaabay ciyaaryahanka ugu fiican Primeira Liga labada xilli ciyaareed ee 2017-18 iyo 2018-19 wuxuuna u ciyaaray dalkiisa 19 jeer – isagoo kula guuleystay Uefa Nations League 2019.
Solskjaer wuxuu yidhi: “Hadafyada Bruno iyo wuxuu caawiyaa stats waxay u hadlaan naftooda. Isagu wuxuu u noqon doonaa nin cajiib ah oo kooxdeena wax badan ku soo kordhiya, wuxuuna naga caawin doonaa inaanu galno qeybta labaad ee xilli ciyaareedka.
Waxaan raadineynay Bruno bilooyin badan qof walba oo halkan jooga ayaa si aad ah ula dhacay qaab ciyaareedkiisa iyo waxa uu ku soo kordhin doono kooxdan.
“Tan ugu muhiimsan, waa nin aad u argagax badan oo leh shaqsiyad weyn isla markaana tayadiisa hogaamineed way cadahay dhamaan in la arko.”
Lacagta la siinayo Sporting way sii kordheysaa hadii shuruudo lagu hishiiyo la buuxiyo – oo ay kujirto u soo bixitaanka United ee Champions League.
United ayaa bixin doonta 5 milyan euro oo dheeri ah (£ 4.2m) haddii ay gaaraan u soo bixitaanka Champions League, iyadoo 5 milyan oo euro oo dheeri ah ay ku xiran tahay ka qeybgalka Fernandes. Lacagta hartay ee ah 15m euro (£ 12.6m) waxay kuxirantahay abaalmarino shaqsiyadeed.
Bruno Fernandes miyuu guuleysan karaa Manchester United?
Falanqaynta – ‘Ciyaaryahan heer kale ah’
Tababarihii hore ee Sporting iyo Swansea City Carlos Carvalhal oo ka tirsan BBC World Service:
Waa ciyaaryahan heer kale ah. Ma ahan lambar 10; ha ka filayn inuu halkaas ku ciyaaro. Waxa uu ka sii fiicanayahy booska sideed – laakiin sidoo kale waxa uu heystaa baas aad ufiican iyo gaarsiis aad u fiican oo ka imaanayo laadadka xorta ah iyo geeska.
Waa hogaamiye sababtoo ah haddii aad aragto isagoo ciyaaraya waxaad arki doontaa inuu lahadlayo asxaabta kooxda marwalba. Ciyaartoyda aad ufiican uma baahna waqti ay ku qabsadaan; ciyaartoy aad u wanaagsan ayaa ka ciyaari kara dhamaan wadamada. Qaabka uu u ciyaaro iyo tayada uu leeyahay, waxa uu noqon doonaa ciyaaryahan gabi ahaanba laqabatimay labo ilaa seddex maalmood ka dib, waad arki doontaa.
Qof walba oo jooga Portugal wuxuu filayay inuu guuro. Cidna kama fileynin inuu ku soo bilaaban doono halkaan sababtoo ah kulligeen waan ognahay inuu ka tirsan yahay heerka kubada cagta oo gabi ahaanba ka duwan. Xitaa taageerayaasha Sporting waxay filayeen inuu dhaqaaqo xagaaga. Qof walba wuxuu sugayay inuu u dhaqaaqo England ama Spain iyo koox weyn sida Man United.
