Orodyahanka caanka ah ee Mo Farah oo afarta jeer ku guulaystay tartanka Olombikada Aduunka oo sanadkaan qeyb ka ahayn.

Orodyahanka caanka ah ee Mo Farah oo afarta jeer ku guulaystay tartanka Olombikada Aduunka ayaa ka fiirsan doona mustaqbalkiisa ka dib markii uu ku guuldareystay inuu u soo baxo Ciyaaraha Olaybicada Aduunka ee sanadkaan ka dhacaya dalka Japan.

Farah oo 38 jir ah ayaa ku dhacay tartanka orodka  10 kun oo mitir ee lagu qabtay  magaalada Manchester.

Wuxuu u baahday inuu ka hoos maro 27 daqiiqo 28 ilbidhiqsi taas oo ka dhigi lahayd in uu ka mid noqodo  kooxda Ingiriiska ee Tokyo laakiin wuxuu ku dhameestay  27: 47.04.

“Ma garanayo waxa laga fikiro ama waxa soo socda. Haddii aanan la tartami karin kuwa ugu fiican maxaan u dhibtaa?” ayuu yiri Farah, oo ku guuleystay 5,000m iyo 10,000m dahab dahab ah 2012 iyo 2016.