JEENYO OO KULAN RAFAAD AH KADIB JARATAY TIKIDHKA WAREEGA XIGA JENERAAL DAA’UUD 2020
Kooxda Kubadda Cagta ee JEENYO ayaa Kulan adag oo ay la yeelatay dhigeeda WAXOOOL kadib u suurta gashay iney soo tiigsato wareega labaad ee koobka Jeneraal Daa’uud waxaana kulankiii galabta ka dhacay garoonka Jaamacadaha ee degmada Hodan uu kusoo dhamaaday 1-0 oo ay guushu ku raacday Jeenyo xili Bilowgii Kulanka uu Gool-Kulaad Ka Qasaariyey Jeenyo Ciyaaryahankooda Lambarka 4aad ee daafaca ah.kaasoo Kubadda Cirka mariyey.
Kulanka oo ku biloowday dar dar labada dhinac ay kusoo bandhigeen kubbad boos qaadasho iyo weerar ku dhisneyd Saxafi oo ku jira Group-ka C, kulanka ayaa waxaa inta badan hareeyey Qaladaad ay sameeynayeen ciyaaryahanada labada dhinac taasoo sababtay in halkaasi garsoorku ku bixiyo kaararkii ugu badnaa ee Digniinta Hurdiga iyo calaamadda Guduudka oo loo taagay ciyaaryahan ka tirsan kooxda JEENYO gaar ahaan lambarka 4-aad ciyaryahanka u qaata oo Kaarkii labaad ee Hurdiga ciyaarta looga saaray markii qalad ku sameeyey ciyaaryahan weerarka kooxda WAXOOL. Waxaana xusid mudan in garsoorku uu bixiyey ilaa 7-kaarka Hurdiga oo 5-kamida ay qaateen kooxda JEENYO.
Daqiiqadii 39-aad ayuu yimid goolka qura ee kulanka soo afjaray waxaana Jeenyo u saxiixay Ciyaaaryahanka Lambarka 7-aad u qaata sidaa ayeyna dibcihii kulanka ku qaateen JEENYO oo hadda usoo gudubtay wareega xiga maadaama kulankii Koobaad ay guul soo gaareen.
Kooxda JEENYO waxay kulanka saddexaad kaalinta koobaad kula tartami dontaa kooxda DEKEDDAHA oo iyaguna 6 dhibic ku xaqiijyey wareega labaad, halka kooxaha WAXOOL iyo SAXAFI oo tartanka ka harayna ay kulmi doonaan si midkood uu u helo guushii tartanka ugu yaraan, waxayna kulamadaan dhici doonaan 6-da bishan Oktoobar.
