KOOXDA RAADSAN OO USOO GUDUBTAY WAREEGA 2-aad KOOBKA JEN.DAA’UUD 2020
Iyada oo weli si xiiso badan leh u socdo koobka jeneraal daa’uud ayaa galabta waxaa la ciyaaray kulankii saddexaad gaar ahaan kooxaha kujira Group A, waxaana kulmay labada kooxood ee HEEGAN, Ciyaarta labada dhinac ayaa ahayd mid aad u kululeyd oo ay ka muuqatay xamaasad sare.
Kooxda Raadsan ayaa u muuqatay mid si weyn ugu soo diyaar garoowdey tartanka, waxaana gool hogaanka ugu dhiibay daqiiqadii 32-aad ciyaaryahanka Lambarka 26-aad u qaata, laakiin kooxda HEEGAN oo aad ugu baahi qabtay guul ay gaarto ayaa dhamadka daqiiqadii 45-aad waxaa ay soo celiyeen goolkii lagu lahaa, waxaana u saxiixay ciyaaryahanka lambarka 33-aad u qaata kaasoo sababay in qeybta koobaad ee kulanka lagu kala nasto 1-1.
Markii dib loo soo laabtay qeybta labaad ee ciyaarta, waxay labada dhinac raadiyeen sidii shabaqa lagu tegi lahaa,waxaana daqiiqadii 70-aad HEEGAN ciyaaryahankeeda lambarka 6-aad uu iska dhaliyey kam’a Gool halkaasoo sheekadu ay ku noqotay in RAADSAN hogaanka ku qabato markale sheekadana kusoo dhamaato 2-1 oo ay gushu ku raacday RAADSAN garsooraha kulanka ayaa ciyaaarta ka saaray daqiiqadii 89-aad ciyaaryahanka lambarka 30-aad u qaata halka raadsan labo ciyaaryahan ay ka qaateen karaka Digniinta ee Hurdiga,waxaana xusid mudan in kooxda oo bedelka uu ka dhamaaday ay ku qasabtay xidig dhexda ka ciyaarayey oo kooxda dhowaan kusoo biiray oo lagu magacaabo MAXAMED inuu galay goolka si uuu u ilalaiyo shabaqa.
RAADSAN ayaa hadda Kaalinta 2-aad kaga soo gudubtay Wareega Groupyada, waxaana ay shaqeeyeen 7 dhibic saddexdii kulan ee ay Ciyaareen iyadoo dhinaca goolasha ay kooxda HORSEED koobaad ugu aoo gudubtay wallow min 7-dhibic shaqeysteen.
Koobkan oo ah koob ay ku dagaalamaan kooxaha dalka ayaa midkii ugu danbeeyay waxaa ku guuleeysatay oo difaacaneysa kooxda Horseed,waxaana kama danbeystiisa lagu wadaa in lagu ciyaari doono Stadium Muqdisho .
