SAWIRO: Degmada Kaaraan Oo U Gudubtay Warreega Sideed Dhamaadka Tartanka Degmooyinka.
Degmada Kaaraan ayaa galabta u soo gudubtay warreega sideed dhamaadka tartanka Degmooyinka Gobolka Banaadir muddo saddex sano kadib Degmada Kaaraan ayaa galabta kulan xiiso badan la ciyaartay degmada heliwaa ciyaartan oo ahayd mid aad u adag waxey labada degmo soo bandhigeen ciyaar cajiib ah Qaybtii Hore Kulanka Degmada heliwaa ayaa heshay goolkii ugu horreeyay Kulanka Waxaana u dhaliyay Ciyaaryahanka Lambarka 17-aad Sakariye Cali Rooble Daqiiqadii 28-aad ee Ciyaarta.
Qaybtii hore ee kulanka Garsoore Cabdifitaax Saciid Mire ayaa bixiyay labo calaamad oo ah kaarka digniinta waxaana la siiyay ciyartoyda degmada heliwaa xiddigaha kala ah Siid Cumar Maxamed Daqiiqadii 22-aad halka ciyaaryahanka lagu magacaabo Cabdiraxmaan Cali loo taagay daqiiqadii 22-aad ee Kulanka Ciyaarta ayaana lagu kala nastay 1-0 ay Ku hoggaamineysay Degmada Heliwaa.
Marka dib la Isugu soo laabtay qaybtii labaad ee ciyaarta degmada kaaraan ayaa samaysay hal beddal waxaa ciyaarta beddal Ku soo galay Salaad Ibraahim oo lagu beddalay Cabdulaahi Maxamed daqiiqadii 70-aad Ciyaarta, degmada Kaaraan ayaa weeraro is daba Joog Ku qaaday goolka degmada heliwaa taas oo keentayiIney helaan goolka barbaraha ah daqiiqadii 80-aad waxaana u saxiixay Axmed Kaafi oo Xirta Lambarka 11-aad. Wixii Intaa Ka Dambeeyay Ciyaarta ayaa yeelatay waji kale maadaama labada degmo ay rajo Ka qabeen iney soo baxaan.
Degmada Heliwaa ayaa markii ciyaarta laga bareejeeyay samaysay beddalo si ay u helaan goolal ay hoggaanka Ku dheereestan waxaana ciyaarta beddal Ku soo galay Fu’’aad Ciilow oo lagu beddalay Shariif Cabdi Daqiiqadii 80-aad halka ciyaaryahanka lagu magacaabo Cabduraxmaan Maxamed Lagu Beddalay Sakariye Cali Daqiiqadii 78-aad ee Ciyaarta wixii Intaa Ka dambeeyay degmada Heliwaa waxaa ka yaraaday Cadaadiskii saarna waxaana ay heleeln Kubad gool kulaad ah Daqiiqadii 91-aad ee Ciyaarta Waxaa u tuuray gool Kulaadkaasi Ciyaaryahanka beddalka Ku Soo galay Fu’’aad Ciilow wuxuuna u beddalay gool Ciyaarta ayaana noqotay 2-1 ay ku hoggaamineysay Degmada heliwaa.
Degmada Kaaraan isma dhiibin isla markii ay kubadda baasteen waxey dhaliyeen gool daqiiqadii 92-aad waxaana u dhaliayay Lambarka 17-aad Cabduraxmaan Maxamuud oo ciyaarta ku soo celiyay barbaro 2-2 Kulanka ayaana ku soo dhamaaday 2-2
Garsoore Cabdifitaax Saciid Mire ayaa bixiyay labo kaar oo ah kaarka digniinta waxaana la kala siiyay labada degmo Degmada kaaraan waxaa la siiyay Cabduraxaan Maxamuud Halka Degmada Heliwaa loo Taagay Sakariye Salaad Daqiiqadii 90-aad.
Ugu Dambayntii Degmada Kaaraan iyo Xamar Jajab ayaa u soo gudbay warreega Sideed dhmaadka tartanka Kubadda cagta ee Degmooyinka Gobalka Banaadir Waana labada degmo ee la xaqiijiyay iney u gudbeen warreega sideed dhamaadka.
Guruupka A
1-Xamar Jajab 9 Dhibcood
2-Kaaran 4 Dhibcood
3-Kaxda 3 Dhibcood
4-Heliwaa 0
WQ/ Daacad
