Maxey Ku Kala Baxeen Degmooyinka Dharkenley Iyo Deyniile Tartanka Deg.G/banaadir & Balcad 2020

Ciyaartan oo ahayd mid aad u adag kana tirsanayd  Guruubka B ayaa galabta lagu ciyaaray garoonka jaamacadaha ee magaalada muqdisho degmooyinka Dharkenley iyo Deyniile  ayaa soo bandhigeen ciyaar aad u wanaagsan qaybtii hore kulanka degmada deyniile ayaa heshay goolkii ugu horreeyay kulanka waxaana u dhaliyay ciyaaryahanka lambarka 24-aad Farxaan Axmed  daqiiqadii 10-aad ee kulanka waxayna ahayd kubad aad u qurux badan uu ka toogtay meel ka baxsan diilinta 18-ka waxaana degmada deyniile ay hoggaanka ciyaarta haayeen muddo shan daqiiqo ah.

Daqiiqadii 15-aad ee ciyaarta degmada dharkenley ayaa heshay goolka barbaraha ciyaarta waxaana u dhaliyay kabtoonka lambarka 2-aad xirta Maxamed Axmed daqiiqadii 15-aad ee ciyaarta waxeyna ahayd kubad laadka xurta ah (Free kick) ciyaarta ayaana lagu kala nastay 1-1 qaybtii hore.

Marka dib la isug soo laabtay qaybtii labaad ee ciyaarta, degmada dharkenley ayaa samaysay beddal waxaa ciyaarta soo galay Jaamac Maxamed oo lagu beddalay Hanad Muxudiin daqiiqadii 49-aad ee kulanka, sidoo kale waxaa bedal ku soo galay ciyaaryanka lagu magacaabo Feysal Cabduqaadir waxaana lagu beddalay Xassan Maxamed daqiiqadii 69-aad kulanka intaa kadib degmada dharkenley waxey samayeen wareero is daba joog ay ku qaadeen goolka degmada Deyniile.

Dhanka kale degmada deyniile oo ka jawaabeyso weerarada kaga imaanayo degmada dharkenley ayaaa samaysay labo beddal waxaana ciyaarta soo galay Haashim Dayax oo lagu beddalay Ismaaciil Ibraaahim daqiiqadii 67-aad ee kulanka sidoo kale waxaa ciyaarta beddal ku soo galay Cabduraxmaan Daahir oo lagu beddalay Yaxye Yuusuf  daqiiqadii 77-aad , ciyaarta ayaana noqotay weerar iyo weerar celis.

Degmada difaacaneyso tartanka kubadda cagta degmooyinka gobalka banaadir  dharkenley ayaa heshay gool kulaad daqiiqadii 80-aad ee ciyaarta waxaana gool kulaadkaasi u tuuray xiddigooda sanadkii hore koobka u qaaday lambarka 10-aad Haaruun ciyaarta ayaana ku soo dhamaatay 2-1 oo guusha ay ku raacday degmada dharkenley.

Dhanka kale garsooraha ciyaarta ayaa bixiyay min labo kaar oo ah karaka digniinta waxaana la kala siiyay labada degmo, degmada Deyniile waxaa loo taagay goolhaye Ciise Cabdi daqiiqadii 69-aad halka degmada Dharkenley Haashim Xuseen daqiiqadii 76-aad ee ciyaarta.

Guruubka    B kaalinta 1-aad  C/casiis  7-dhibcod    2-aad Balcad 4-dhibcood  3-aad Dharkenleey 3-dhibcood 4-aad Boondheere  2-dhibcood 5-aad deyniile- 0.

WQ/ Daacad