SAWIRO: Xulka Gobolka Banaadir Oo Iska Xaadiriyay Warreega Afar Dhamaadka Tartanka Maamul Goboleedyada.
Ciyaar xiiso badan oo ka tirsanayd Guruubka A ayaa galabta waxey dhexmartay xulalka Hirshabeele iyo xulka gobolka banaadir, kulankaan oo ahaa mid aad u adag waxey labada xul soo bandhigeen qaab ciyaareed aad u wanaagsan oo ah weerar iyo weerar celis.
Qaybtii hore ee ciyaarta xulka gobolka banaadir ayaa heleen gool kulaad daqiiqadii 32-aad waxaana qaladkaasi galay lambarka 2-aad ee xulka hirshabeele C/fitaax Saadaq kadib markii uu diilinta ganaaxa ku jilaafay mid kamid ah weeraryahanada xulka gobolka banaadir,waxaana gool kulaadkaasi gool u beddalay ciyaaryahanka lagu magacaabo Ayuub Maxamed, qaybtii hore ee kulanka ayaa lagu kala nastay 1-0 hoggaanka ku hayeen xulka gobolka banaadir.
Garsoore C/fitaax Saciid Mire ayaa bixiyay kaarka digniinta illaa iyo seddex kaar qaybtii hore waxaana dhamaan loo taagay xiddigaha xulka gobolka banaadir ciyaartoyda kala ah Mustaf Ibrasahim Ayuub Maxamed iyo Ibraahim Mascuud oo dhamaantood loo taagay kaarka digniinta qaybtii hore ee kulanka.
Marka dib la isugu soo laabtay qaybtii labaad xulka kubadda cagta hirshabeele waxey abuureen fursado badan laakiin kama aysan faa’’iideysan fursadahaasi waxaana natiijada ciyaarta ay ku soo dhamaatay 1-0 ay ku adkaadeen xulka gobolka banaadir oo u gudbay warreega afar dhamaadka koobka maamul goboleedyada.
Dhanka kale xulka gobolka banaadir ayaa waxey qaateen kaarkoodii 4-aad ee digniinta waana kaararkii ugu badnaa oo hal koox ay qaadato inta tartankan uu socdo waxaana loo taagay ciyaaryahan Xaaji Macalin oo beddal ku soo galay ciyaarta qaybtii labaad.
Xulka Hirshabeele ayaa la ciyaari doonan xulka Galmudug hirshabeele waxey ku soo bixi karaan iney badiyaan ciyaarta u harsan halka Galmudug oo leh hal dhibic ay ciyaartaasi ku soo bixi karto barbaro.
Guruubka A
Banaadir 3 dhibic
Galmudug 1 dhibic
Hirshabeele 0
WQ/ Daacad
