Tartanka xiisaha badan ee Astaan business Cup ayaa soo gaaray wareegga 16-ka kooxood ee bug-baxa, tartankaan oo ay ka qaybgalayeen illaa iyo 32-shirkadood oo ah shirkadaha ganacsiga ee xarumaha ku leh magaalada muqdisho ayaa maalintii shalay la ciyaaray kulamadii ugu horreeyay wareeggiisa bug-baxa waxaana maanta la ciyaari doona labo kulan oo ka tirsan tartankan.
Kulanka 1-aad ayaa dhexmari doono shirkadaha ganacsiga ee kala ah Brothers iyo Baari Exp oo kamid ah 16-ka shirkadood ee soo gaaray warreega 16-ka kooxood ee tartanka shirkadaha ganacsiga Astaan Business Cup 2021, Ciyaartan ayaa la baasan doona saacada geeska afrika markey tahay 03:50 Pm galabnimo, marka uu soo dhamaado kulankaan waxaa ciyaarta labaad wada ciyaari doono shirkadaha ganacsiga ee kala ah A2Z Sports iyo Caafi waxaana kulankaan la baasan doona 04:50 Pm, kulamadaan waa bug-bax kooxdii laga adkaado wey ka hari doontaa tartanka haddii ciyaarta ay ku soo dhamaato barbaro waxaa lagu kala bixi doona Gool-kulaadyo.
Si kastaba Tartanka Astaan Business Cup ayaa si xiiso leh ugu socdo magaalada muqdisho waxaana lagu ciyaaraa garoonka Macquul Stadiom oo ku yaalo KM4 tartankaan waxaa si gaar ah qabashadiisa iyo taabagalintiisu u leh Astaan Sprts halka garsoorayaasha tartankan dhexdhaxaadinayo ay ka socdaan xiriirka soomaaliyeed ee kubadda cagta.
WQ/ Daacad
