SAWIRRO: Kooxda Blue Sky oo usoo gudubtey Nus-dhamaadka Astaan Business Cup 2021
Kooxda Kubadda cagta ee Sky Blue ayaa usoo baxday Nus dhamaadka Koobka Astaan Business Cup 2021 oo si xiiso badan leh uga socda garoonka Macquul Stadium ee Magaalada Muqdisho, kadib markii kulan xiiso badan ay la yeesheen dhigooda CAAFI.
Kooxda Sky Blue ayaa sameeysay dadaal xoogan waxaana ay soo badnhigeen ciyaar aad loogu riyaaqay kadib markii 3-1 ku suul daareen kooxda CAAFI waxayna sidaa ku jarteen tikidhkooda Semi finalka iyagoo ku biiray kooxaha horey usoo baxay ee kala ah NASRI iyo HALLA AIR oo semi finalka taagan.
Tartanka Astaan Business Cup ayaa si xiiso leh ugu socdo garoonka Macquul Stadiom ee Km4 waxaana galab walbo u soo daawasho tago dhalinyaro aad u xiiseyso ciyaaraha kubadda cagta.
Waa markii ugu horreysay Astaan Sports ay u qabato tartan kubadda cagta ah shirkadaha ganacsiga ee xarumaha ku leh magaalada muqdisho si loo xoojiyo is dhexgalka dhalinyarada iyo ganacsatada soomaaliyeed.
Si kastabaTartankaan waxaa si gaar ah qabashadiisa iyo taabagalintiisu u leh Astaan Sprts halka garsoorayaasha tartankan dhexdhaxaadinayo ay ka socdaan xiriirka soomaaliyeed ee kubadda cagta.
