SAWIRRO: Shiirkole Ramadaan Cup Oo Ka Furmay Garoonka Shirkoole Stadium Ee Degmada Hodan.
Garoonka Shiirkole Stadium ee degmada hodan shalay waxaa ka furmay tartan kubadda cagta ah oo ka qaybgalayaan illaa iyo 16-kooxood oo lagu soo koobay afar guruub.
Tartankaan daah furkiisa waxaa qudbado kala duwan ka jeediyay qaar ka mid ah macalimiinta kooxaha horyaalka heerka koowaad ee dalkeena, iyo guddoomiyaha sportska gobalka banaadir Xasan Aaadan Yabaroow Wiish, iyo xubno kale oo ka tirsan bahda ciyaaraha
Intaas kadib waxaa la baastay ciyaartii furitaanka waxayna dhexmartay kooxaha Halgan Fc iyo Waama Fc, kulankaan oo ahaa mid aad u adag waxey labada kooxood soo bandhigeen qaab ciyaareed aad u wanaagsan waxaana kooxahan ka soo dhex muuqday qaar kamid ah ciyaaryahanada kooxaha horyaalka heerka koowaad ee dalkeena Somaali Premier League.
Garoonka Shiirkole Stadium ee degmada hodan waxaa soo buux dhaafiyay dhalinyaro aad u xiiseyso ciyaaraha kubadda cagta oo u kala sacab tumayay labada kooxood, natiijada ciyaarta ayaana ku soo dhamaatay 1-1 oo labada kooxood ku kala baxeen heerka Guruubyada tartankaan loogu magac daray Shiirkole Ramadaan Cup.
Si kastaba tartankaan ka furmay garoonka Shiirkole Stadium ee degmada hodan waxaa taabagalintiisu leh Shirkada Astaan Sports oo door muhiim ah ka qaadato hormarinta ciyaaraha kala duwan ee dalka.
WQ/Daacad
