Garoonka Barwaaqo Stadium ee degmada deyniile shalay waxaa ka furmay tartan kubadda cagta ah oo ka qaybgalayaan illaa iyo 8-kooxood oo lagu soo koobay labo guruub.
Tartankaan waxaa soo qaban qaabiyay guddoomiyaha sportska waaxda Barwaaqo Maxamed Cabdullaahi Cusmaan waxaana uu sheegay in tartankan sanad walbo bisha barakeysan ee Ramadaan lagu qabto garoonka Barwaaqo Stadium ee degmada deyniile, kulanka furitaanka waxaa wada ciyaaray kooxaha kala ah Saxaraha Fc & Buurka Cashare,
kulankaan oo ahaa mid ay u soo daawasho tageen dhalinyarada xiiseyso ciyaaraha kubadda cagta ee ku nool degmada deyniile, waxey labada kooxood soo bandhigeen qaab ciyaareed aad u wanaagsan, natiijada ciyaarta ayaa ku soo dhamaatay 9-6 ay ku adkaatay kooxda Buurka Cashare kulankooda ugu horreeyay ee furitaanka tartankan.
Si kastaba bisha barakeysan ee ramadaan waxaa tartamo kale duwan lagu qabtaa dhamaan 17-ka degmo ee gobolka banaadir, iyadoo baahinta tartamadan Astaan Sports door muhiim ah ka qaadata si ay u hormariso dhamaan ciyaaraha kubada cagta meel walbo lagu ciyaarayo.
WQ/Daacad
