SAWIRRO: Degmada Waaberi Oo Ku Guulaysatay Tartankii Playstaion 4 Ee Gobalka Banaadir.
Waxaa maanta la soo gabagabeeyay tartankii plystaion 4 2021 ee Astaan Sports ay u qabatay 17-ka Degmo ee gobalka banaadir, Degmada Waaberi ayaa fiinaalka tartanka plystaion 4 kaga adkaatay degmada hodan oo soo gaartay fiinaalka tartankaan.
Ciyaarta oo ahayd mid xiiso gaar ah leh waxey labada degmo soo bandhigeen qaab ciyaareed qurux badan waxaana ugu dambeyntii natiijada ciyaarta ay ku soo dhamaatay 6-2 ay ku adkaatay degmada waaberi oo markii ugu horreysay ku guulaysatay tartanka plystaion 4 oo sanadkii mar ay qabato Astaan Sports.
Shirkada Astaan Sports ayaa qaban doonto xaflad lagu abaal marinayo degmadii ku guulaysatay tartanka plystaion 4 iyo degmooyinkii kaalmaha hore ka galay intii uu socday tartanka.
Si kastaba waa sanadkii labaad oo tartankaan loo qabto degmooyinka gobalka banaadir walloow aan la qaban sanadkii 2020 sababo la xiriiro cudurka Corana Virus, sanadkii ugu horreeyay ee la qabto wuxuu ahaa sanadkii 2019-kii waxaana markaasi ku guulaysatay degmada Cabdicasiis oo sanadkaan ku hartay Warreegga afar dhamaadka tartanka plystaion 4.
WQ/Daacad
