SAWIRRO: Kooxda Kubbadda cagta Horseed oo maanta tababarkeeda Ugu Dabaal-degtay todabaadka Xuriyadda 26-June 2021
Kooxda kubadda horseed oo ku jirto diyaar garoowga dib u bilaabashada horyaalka Somali Premier League oo dib u furmayo berito oo axad ah ayaa saaka samaysay tobabarkeedii ugu dambeeyay, waxaana ay ku xuseen tababarka maanta munaasabada 26-june-2021 oo maanta ku beegan markii xurnimada ay qaateen gobollada waqooyi oo ka xuroobay gumeystihii shisheeyaha.
Sawir ay si wadajir ah u galeen maamulka macalimiinta cayaartoyda iyo taageerayaasha kooxda horseed oo lagu daabacay barta Facebooka ay ku leedahay naadiga ciidanka xooga dalka horseed ayey kooxda ugu hambalyeesay dhammaan shacabka soomaaliyeed munaasabada 26-ka june.
Naadiga ciidanka xooga dalka Horseed SC oo ku jirto kaalinta labaad ee kala sareynta horyaalka S.P.L fasal cayaareedka 2020/2021 ayaa la cayaari doonto 29/06/2021, oo ku beegan maalinta talaadada Naadiga Elman SC waana kulan aad u adag marka la eego labada kooxood xifaaltanka kubadda cagta ee ka dhexeeyo.
Si kastaba horyaalka S.P.L ayaa dib loo baasan doona beri oo axad ah kaddib maalmo kooban oo cayaartoyda kooxaha horyaalka heerka koowaad ay ku mashquulsanaayeen gudashada waajibaadka xulka qaranka dalkeena soomaaliya oo sanadkaan ka qaybgalay tartanka kubadda cagta Fifa Arab Cup .
W/Q: Shucayb Haamud Ibraahim
