SAWIRRO: Kooxda Heegan Oo Goolashii Ugu Badnaa Horyaalka S.P.L Ku Macsalaameysay Kooxda Geeska Afrika.
Kulankaan oo u dhexeeyay kooxaha kubbadda cagta Heegan iyo Geeska Afrika kana tirsanaa wejiga labaad ee horyaalka dalkeenna Somali Premier League tudabaadkii 18-aad ayaa lagu cayaaray garoonka kubbadda cagta Muqdisho Stadium,
Kooxda kubbadda cagta Heegan ayaa ku macsalaameysay 13-gool naadiga Geeska Afrika oo hore u xaqiijisay iney u dhaceen horyaalka heerka labaad ee dalkeenna, saddex gool uu dhaliyay C/qaadir Eynoow iyo labo gool uu dhaliyay Lambarka 19-aad Cabdi Najiib Nuur iyo labo gool uu dhaliyay lambarka 27-aad Lukwaata ayaa qaybtii koowaad lagu kala nastay 7-0 ay hoggaanka ku haysay naadiga Heegan waana markii ugu horreysay oo goolashaasi laga dhaliyo horyaalka heerka koowaad ee dalkeenna Somali Premier League.
Marka dib la isugu soo laabtay qaybtii labaad ee cayaarta weeraryahanka kooxda Heegan C/qaadir Eynoow ayaa dhaliyay 4-gool oo kale oo tirada goolashiisa ka dhigtay 7-gool in uu dhaliyo kulankii galabta, sidoo kale waxaa goolashii galabta gool kudarsaday Cabdifitaax Idiris iyo Lukwaata oo dhaliyay goolkiisa saddexaad kulankii galabta Natiijada Cayaarta ayaana ku soo dhammaatay 13-0 ay ku adkaatay kooxda kubbadda cagta Heegan
Garsoore Najiib Cawil oo ahaa garsooraha kulan cayaareedaan ayaa bixiyay seddex kaar oo ah kaarka dihniinta wuxuuna kala siiyay labada dhinac Naadiga Geeska Afrika waxaa loo taaagay lambarka 15-aad Maxamed Nuur daqiiqadii 36-aad iyo lambarka 25-aad Axmed Saciid daqiiaadii 76-aad Dhanka kooxda Heegan waxaa la siiyay lambarka 10-aad Cali Waarikoow daqiiqadii 24-aad ee qaybtii hore.
Si kastaba guusha ay gaartay kooxda Heegan ayaa ka dhigan iney kaalinta 3-aad kala baxeen naadiga Raadsan walloow kooxda Raadsan uu baaqi u yahay halka kooxda Geeska Afrika kulankan uu u ahaa kulankii ugu dambeeyay fasal cayaareedkan sii dhamaanayo 2020/2021 waxey dib ugu dhaceen horyaalka heerka 2-aad.
