Maamulka kooxda kubbdda cagta ee Geeska Africa oo kulan casho ah oo dhiirigalin ah u sameeyay ciyaaryahanada kooxda.
Kooxda Geeska Africa ayaa u dabaaldagtay hanashada horyaalka Somali division one 2019/2020.
Munaasabadda dabaadaga,waxaa goob joog ahaa masuuliyiin ka tirsan Xiriirka Soomaaliyeed ee kubbdda cagta uu hogaaminaayay gudoomiyaha Xiriirka Cabdiqani Siciid Carab.
Gudoomiyaha kooxda Geeska Africa Abuukar Maxamed Cabdulle oo madasha ka hadlay ayaa aad u maanay ciyaaryahanada iyo macalimiinta kooxda ee ku guuleestay horyaalka heerka labaad ee Soomaaliya.
Sidoo kale gudoomiye Abuukar,wuxuu u mahadceliyay madaxda xiriirka Soomaaliyeed ee kubbdda cagta doorkooda ku aadan hormarinta ciyaaraha kubbdda cagta Soomaaliya.
Gudoomiyaha Xiriirka Soomaaliyeed ee kubbdda cagta Cabdiqani Siciid Cara oo hadal kooban ka jeediyay goobta ayaa sheegay in uu Xiriirka u hambalyeenaayo kooxda Geeska Africa iyo guusha ay ka gaareen horyaalka Somali division one 2019/2020.
Guusha kooxda Geeska Africa ay gaarta Xili Ciyaareedkii dhamaaday ayaa ka dhigan in ay ku guuleesteen horyaalkoodii ugu horeeyay tan iyo 1999 oo ahayd markii markii la aasaasay.
Ciyaar-kala-Bax-ah ayey koobka ka qaadeen kooxda Jeenyo oo ay isku dhibco noqdeen horyaalkii dhamaaday.
Xili Ciyaareedka Soo aadan,waxa ay markii ugu horeesay ka soo muuqan doonaan horyaalka Somali premier league markii ugu horeesay 2020/2021.
