SAWIRRO: Tartanka kubbadda cagta degmooyinka G.Banaadir 2020 oo Muqdisho ka furmay,Xili D-Cabdicasiis guul ku daahfurtay.
waxaa maanta garoonka Eng:Yariso stadiom ka furmay tartanka kubbdda cagta degmooyinka G.Banaadir 2020 ,ayadoo kulankii furitaanka ah ay goob joog ahaayeen madax uu hogaaminaayo wasiirka magacaaban ee wasaaradda dhalinyarada iyo ciyaaraha Soomaaliya iyo masuuliyiin ka tirsan maamulka G,Banaadir.
kulanka waxaa si rasmi ah u daahfuray wasiirka cusub ee wasaaradda dhalinyarada iyo ciyaaraha Soomaaliya Xamse Siciid Xamse oo sidoo kale horay u ahaa daaficii hore ee qaranka Soomaaliya iyo kooxdii Badda.
garoonka Eng:Yarisow stadium waxaa socod ku soo maray dhammaan ka qaybgalaaysha tartanka,ayadoo sanadkaan tartanka lagu casuumay degmada Balacad ee G.Shabeelada dhexe.
kulankii furitaanka ah waxaa wada ciyaaray degmooyinka kala ah Cabdicasii iyo dherkenley,ayadoo kooxda koobka difaacanayso looga badiyay 1-0.
kulankaan oo ahaa mid aad u xiisa badan labada kooxood,waxa ay soo bandhigeen ciyaar aad u qurux badan,wuxuu ka tirsanaa Group B.
qaybtii hore ciyaarta,waxa ay ku soo dhamaaday 0-0 oo ay labada kooxood soo bandhigeen ciayar aad u qurux badan.
markii dib la iskugu soo laabtay qaybtii labaad ee ciayarta daqiiqadii 45-aad kooxda degmada Cabdicasiis ayaa dhalisay goolkii kowaad,waxaa goolkaa u dhaliyay idiris Gurey.
dharkenley dhowr iskuday ayey sameesay ,balse way ku guuldareesatay in ay la timaado goolkii bareejada ahaa.
ugu dambeentii ciyaarta,waxa ay ku soo dhamaatay 1-0 oo ay ku badisay degmada Cabdicasiis ee Gobolka Banaadir.
dhanka digniinta ciyaarta kaliya laba kaar oo ah kuwa digniinta ah ayaa la bixiyay dharkenley,waxaa kaarka digniinta ka qaatay Saadaam Xuseen Cali No:4,Cabdicasiis,waxaa ka qaatay Samatar Salaad No:15 oo badal ku soo galay.
Group B,waxaa ku jiro degmooyinka kala ah Cabdicasiis,Balcad,dharkenley,Boondheere iyo dayniile.
