RASMI: Kooxda Kubadda Cagta Muqdisho City Oo Soo Bandhigtay Saxiixa Cabdicasiis Catoosh.
Kooxda kubadda Cagta Muqdisho City ayaa galabta si rasmi ah ugu dhawaaqday saxiixa ciyaaryahankii hore ee kooxaha Jeenyo iyo Dekaddaha Cabdicasiis Catoos kaas oo dhamaadkii bishii febaraayo katagay kooxda Dekaddaha.
Naadiga MCC ayaa galbta ku soo bandhigtay saxiixa Cabdicasiis Catoosh garoonka caalamiga ee Stadiom Muqdisho waxaana goobta ku sugnaa guddoomiyaha kooxda MCC Abuukar Husein Mohammed, ka hor inta uusan ku biirin Catoos kooxda MCC waxaa aad loola xiriirinayay kooxo waaweyn oo ka dhisan horyaalka heerka koowaad ee dalkeena Soomaaliya, hase yeeshee ugu dambeentii kooxda hoggaamineyso horyaalka Somaali Premier ayaa si rasmi ah ula warreegtay Catoos oo xiran doono lambarka 7-aad ee kooxda MCC.
Cabdcasiis Catoosh oo ka mid ah ciyaartoyda ugu wanaagsan khadka dhexe horyaalka Somaali Premier league, ayaa kooxda Dekaddaha kula guuleystay muddadii uu ka tirsanaa Seddax horyaal wuxuuna qayb ka ahaa ciyaartoydii naadiga Dekaddaha ka caawiyay iney ku guuleystaan saddex xili ciyaareed oo isku xigto horyaalka Somaali Premier League.
Si kastaba Catoosh ayaa hore ugu soo ciyaaray kooxaha Jeenyo Dekaddaha waxaana naadiga Muqdisho City ay noqoneysaa kooxdii saddexaad uu u ciyaaro horyaalka Somaali Premier league.
WQ/Daacad
