SAWIRRO: Kooxda Dekedda oo horyaalka ka quusisay Raadsan kulankoodii galabta S.P.L
Kooxaha kubadda cagta Dekedda iyo Raadsan ayaa galabta ku wada ciyaaray garoonka Stadium Muqdisho kulan kutirsan horyaaalka Somali Premier league kaasi oo ay usoo xaadireen taageerayaasha labada dhinac iyo dadweyne kale oo xiiseeya kubadda cagta.
Labada kooxood ayaa sameeyay dadaal ay ku doonayeen iney hogaanka u qabato midiba midda kale waxaana kooxda Dekedda ay hogaanka qabatay daqiiqadii 6aad Waxaa xiligaasi gool Kulaad u dhaliyay lambarka 21aad Adelani Yuusuf kaddib kubad uu gacanta ku taabtay kabtanka Raadsan Cabaas.
Raadsan ayaa xiligaas kadib sameeysay isku dayo iyo weerar halka dhinaca Dekedda sidoo kale waday dadaal ku doonayeen iney hogaanka kusii dheereeyaan laakiin fursadihii ay labadooda sameeyeen midna gool kuma dhalinin waxaa qeybtaasi lagu kala nastay 1-0 .
Qeybta labaad ee kulanka ayaa waxaa markale hogaanka sii dheereysatay kooxda Dekedda markii goolkii 2aad u saxiixay xiddigooda lambarka 10aad Anwar Siid cali Shakundha daqiiqadii 79aad,sidoo kale kooxda Raaddan ayaa fursado dabo mareyn qaaday walow aysan gool ku helin, wuxuuna kulanku kusoo dhamaaday 2-0 oo ay guushu ku raacday kooxda Dekedda halka Rajadii kooxda Raadsan ee aheyd iney ceyrsato kooxaha MCC iyo Horseed ay mugdi sii gashay.
Garsooraha ciyaarta Maxamed Soomaali ayaa bixiyey ilaa 5 Kaarka digniinta 4 waxaa qaadatay dekedda lambarka 5aad Maxamed khaliif daqiiqadii 48aad.lambarka 17aad Cabdiwali waliij daqiiqadii 58aad,lambarka 18aad Siid Cali baana daqiiqadii 65aad iyo lambarka 6aad Daa’uud Tubaal daqiiqadii 87aad,dhanka Raadsan lambarka 2aad Muxudiin Aweys daqiiqadii 24aad.
