Cayaaryahankii hore ee kooxaha Jeenyo & Horseed Xasan Cabdinuur Geeseey Xasaasi aya ku biiray kooxda kubbadda cagta Gaadiidka oo kamid ah kooxaha ka cayaaro horyaalka heerka koowaad ee Somali Premier League, war saxaafadeed ay soo saartay kooxda Gaadiidka oo nuqul kamid ah soo gaaray xafiiska Astaan Sports ayey kooxda ku xaqiijisay iney la warreegeen Xasan Cabdinuur Geeseey Xasaasi kaas oo qalinka ku duugay hishiis labo sano ah.
Cayaaryahan Xasan Cabdinuur Geeseey Xasaasi ayaa katagay 11-bishii Semtember 2021 kooxda ku guuleysatay horyaalka heerka koowaad Somali Premier League xili cayaareedkii dhammaaday 2020-2021, isagoo ka tirsanaa muddo 4-sano ah, waa saxiixii 3-aad oo kooxda Gaadiidka ay ku dhawaaqdo todobaadkan xili kooxda Gaadiidka ay ku jirto diyaar garoow ka hor inta uusan u furmin xili cayaareedka cusub horyaalka heerka koowaad Somali Premir League iyo tartanka koobka General Daa’’uud.
Si kastaba Cayaaryahan Xasan Cabdinuur Geeseey Xasaasi ayaa kula guuleystay kooxda Horseed afar koob muddo afar sano uu ka tirsanaa sidoo kale wuxuu ku guuleystay intii uu u cayaarayay kooxda Horseed cayaaryahankii ugu wanaagsanaa horyaalka Somaliya Xili cayaareedkii 2018/2019.
