Degmada Hodan oo u gudubtay wareegga Sideed dhammaadka taratnka k/kolayga Degmooyinka.
Cayaarihii ugu dambeeyay heerka guruubyada tartanka kubbadda kolayga Degmooyinka & Deegaannada Gobolka Banaadir, waxaa galabta wada cayaaray Degmooyinka Hodan & Xamar Jajab oo ku wada jiro Guruubka D.
Labada Degmo ayaa soo bandhigay cayaar qurux badan waxaana qaybtii koowaad lagu kala nastay 26-16 oo hoggaanka ku haysay Degmada Hodan.
Qaybtii labaad ee cayaarta Degmada Hodan ayaa sii dheereysatay hoggaanka kulanka waxayna kaga adkaatay Degmada Xamar Jajab 55-45 oo natiijada cayaarta ay ku soo dhammaatay.
Waxaa u soo gudbay wareegga sideed dhammaadka sideed Degmo, Deegaannada kala ah Garasbaaley, Gubadley, iyo Daarusalaam ayaa ku haray cayaaraha guruubyada tartanka kubbadda kolayga Degmooyinka & Deegaannada Gobolka Banaadir, oo markii ugu horreysay ka qaybgalaan sannadkan 2022.
Guruub A waxaa ka soo gudbay Howlwadaag iyo Wadajir.
Guruub B waxaa ka soo gudbay Shibis iyo Heliwaa.
Guruub C waxaa ka soo gudbay Yaaqshiid iyo Cabdicasiis.
Guruub D waxaa ka soo gudbay Hodon iyo Waaberi.
Sideeda kooxood ee soo gudbay ayaa loo sameyn doonaa isku-aadka wareegga sideed dhammaadka tartanka kubbadda kolayga Degmooyinka iyo Deegaannada Gobolka Banaadir.
Si kastaba kulankii dhexmaray galabta Degmooyinka Hodan & Xamar Jajab waxaa garsoorayay Axmed Cabdullaahi Baroodo iyo Ayuub Maxamed Muudey.
