Kooxaha Elman SC & Horseed oo galabta wada ciyaari doono Somali National League 2023/2024.
Waxaa galabta la ciyaari doonaa mid ka mid kulamada ugu adag horyaalka heerka koowaad ee Somali National League, kooxaha Horseed & Elman SC ayaa ku balansan garoonka kubbadda cagta Eng-yariisow ee Degmada Cabdisiis waana kulankooda koowaad ee labada kooxood ay wada ciyaari doonaan xilli ciyaareedka cusub Somali National League 2023/2024.
Labadan kooxood oo ka mid kooxaha ugu adag horyaalka Soomaaliya ayaa aad ugu xifaaltamo dhanka kubbadda cagta waxaana garoomada soo buux dhaafiyo taageerayaal badan marka ay ciyaarayaan.
Horyaalka Somali National League 2023/2024 ayaa si rasmi ah u furmay 31/12/2023, sida ku cad jadwalka ay soo saareen xiriirka kubbadda cagta Soomaaliya.
Wareegga koowaad ee horyaalka Somali National League 2023/2024 ayaa si xiriir ah loo ciyaari doonaa illaa 10/02/2024 sida ku cad jadwalka Xiriirka Soomaaliyeed ee Kubbadda cagta.
