Kooxaha kubbadda cagta Jeenyo & Midnimo ayaa barbaro 1-1 ah ku hishiiyay kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda cagta Muqdisho Stadium.
Qaybtii koowaad ee kulanka waxaa hoggaanka u dhiibay kooxda Midinimo ciyaaryahanka lambarka 12-aad Rashiid kubbad ahayd gool kulaad waxaana lagu kala nastay 1-0 oo hoggaanka ku haysay kooxda Midnimo.
Marka dib la isugu soo laabtay kooxda Jeenyo ayaa iska soo barbareysay goolka waxaana u saxiixay ciyaaryahanka lamabarka 10-aad Frank Stephan, waxaana natiijada ciyaarta ay ku soo dhammaatay 1-1 oo labada dhinac isku mari waayeen.
Kooxda Midnimo ayaa gashay barbarihii 2-aad waxaa laga adkaaday lix ka mid ah sagaalkii kulan ay ciyaartay sidoo kale waxay guul gaareen hal kulan horyaalka Somali National League.
Dhanka kale kooxda Jeenyo ayaa gashay barbarihii saddexaad waxaana laga adkaaday afar ka mid ah sagaalkii kulan ay ciyaareen iyagoo labo kulan guul gaaray horyaalka Somali National League.
Isbuucii sagaalaad ee horyaalka heerka koowaad Somali National League ayaa si xiiso leh ugu socdo garoonka kubbadda cagta Muqdisho Stadium.
