Carlo Ancelotti oo xaqiijiyey labo ka mid ah xiddigaha Real Madrid oo seegaya kulanka ay u safrayaan Catalonia
Kooxda kubadda cagta Real Madrid ayaa dhaawacyo ay hareeyeen xilli ciyaareedkan, iyadoo tababare Carlo Ancelotti uu qaadanayo kal ciyaareed aan u wanaagsanayn.
Tababare Carlo Ancelotti ayaa haatan xaqiijiyey in labo ka mid ah xiddigihiisa ugu muhiimsan kooxda Real Madrid ay maqnaanayaan kulanka ay habeen dambe u safri doonaan Gobolka Caralonia, halkaasoo ay kula so ociyaari doonaan naadiga Girona.
Kooxda Real Madrid waxaa horay uga maqnaa xiddigaheeda Ferland Mandy iyo David Alaba, iyadoo aan la ogeyn xilliga rasmiga ah oo ay garoomada ku soo laaban doonaan, sidaas oo ay tahay Tababare Carlo Ancelotti oo ka hadlayey kulanka Talaadada ay la leeyihiin Girona ayaa xaqiijiyey in Karim Benzema iyo Eduardo Camavinga ay ka maqnaan doonaan kooxdiisa kulanka ay u safrayaan Gobolka Catalonia.
“Waxaan qabnaa dhaawacyo kulanka berry, waxaa naga maqan Benzema iyo Camavinga, kuwaasoo labadoodaba ay jug soo gaartay, Rodrygo ma uusan tababaran balse wuu fiican yahay kulanka berri.” ayuu yiri Tababare Ancelotti.
Benzema ayaa lagu soo warramayaa inuu dhibaato dhaawac ka qabo kubka lugtiisa bidix, laakiin Tababare Ancelotti ayaa sheegay inuu diyaar u yahay kulanka todobaadka soo aaddan ay la leeyihiin kooxda Almeria.
“Hadii uu ka soo kabsado dhaawacii soo gaaray waxa uu ciyaari doonaa kulanka Almeria, Karim aad ayuu muhiim innoogu yahay, ciyaarihii ugu dambeeyay waxa uu muujiyay heer aad u wanaagsan, marka uu caafimaad qabo waa inuu ciyaaraa.” ayuu yiri Macallin Carlo.
Astaan Sports
