Suuqa kala iibsiga xiddigaha ee xagaaga oo maanta si rasmi ah u furmay
Maanta oo ay taariikhdu tahay 14 bisha June 2023 waxaa si rasmi ah u furmay suuqa kala iibsiga xiddigaha ee xagaaga, iyadoo ciyaartoyda iyo kooxaha uu u bilowday mashquulku.
Kooxaha kala duwan ee qaaradda Yurub ayaa haatan si rasmi ah u sameyn kara saxiixyada ay doonayaa, iyadoo xiddigaha ay la wareegaanna ay noqon karaa ciyaartoy cusub oo kooxdooda ah.
Inkastoo qaa ka mid ah kooxaha ay horay todobaadyadii la soo dhaafay saxiixyo u sameeyeen hadda kooxaha ayaa iminka awood u leh inay saxiixyo sameeyaan oo ay si rasmi ah u shaaciyaan xiddigihii ay la heshiiyeen maadaama albaabada loo furay suuqa kala iibsiga xiddigaha ee xagaaga.
Sidoo kale kooxaha aan horay ula heshiin ciyaartoy ayaa hadda awood u le inay si rasmi ah ula wareegaan xiddigaha kala duwan oo ay doonayaan saxiixyadooda.
Dhanka kale ciyaartoyda ay qandaraasyadoodu dhammaadeen ayaa haatan ku biiri kara kooxaha ay doonayaan inay u wareegaan.
Astaan Sports
