Kooxda kubbadda cagta Dekedaha ayaa gaartay fiinaalka koobka kubbadda cagta General Daa’uud Cup 2023, kaddib markii wareegga afar dhammaadka ay ku reebeen kooxda Gaadiidka.
Ciyaartan oo ahayd mid aad u adag labada kooxood ayaa soo bandhigay ciyaar ku socotay awood ahaan garbo siman, waxaana qaybtii koowaad labada dhinac ay abuureen fursado aan gool noqon, waxaana lagu kala nastay 0-0.
Marka dib la isugu soo laabtay qaybtii labaad ciyaarta wax weyn isma beddelin waxaana ay ku soo dhammaatay 0-0 waqtigii loogu talagalay.
Sida sharciga ah labada kooxood ayaa lagu kala saaray gool-kulaadyo waxaana 4-3 ku adkaatay kooxda Dekedaha oo iska xaadirisay fiinaalka koobka kubbadda cagta General Daa’uud Cup 2023.
Kooxda Dekedaha ayaa la ciyaari doonto naadiga Elman SC oo wareegga afar dhammaadka ku soo reebtay kooxda MCC.
