SAWIRRO: Kooxda k/cagta Heegan oo u awood sheegatay dhiggeeda Raadsan Somali Natinal League.
Kooxda kubbadda cagta Heegan ayaa guul muhiim ah ka gaartay dhiggeeda Raadsan kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda Muqdisho Stadium.
Ciyaarta oo qayb ka ahay kulamadii ugu dambeeyay warreegga 9-aad ee horyaalka Somali Natinal League, waxay labada kooxood soo bandhigeen qaab ciyaareed aad u fiican waxaana waqtigii loogu talagalay ciyaarta ay ku soo dhammaatay 4-1 oo ku adkaatay kooxda Heegan.
Kooxda Heegan oo ciyaartay kulankii 9-aad ayaa gaartay guushii saddexaad waxay babarbaro galeen afar jeer waxaana laga adkaaday labo kulan horyaalka Somali National League.
Dhanka kale kooxda Raadsan oo ciyaartay kulankii 9-aad ayaa la kulantay guuldarradii afaraad ee horyaalka Somali National League, waxay soo adkaadeen afar kulan halka ay barbaro galeen kaliya hal kulan.
Horyaalka Somali National League ayaa si xiiso leh ugu socdo garoonka Muqdisho Stadium iyadoo kooxda Dekeddaha ay weli hoggaanka u hayso wallow isbuucan ay wada ciyaari doonaan kooxda Horseen oo ku jirto kaalinta labaad ee Somali National League.
